2-қыркүйек Білім күні

Құйған ауылы № 32 орта мектепте 2017 жылдың 2-қыркүйек күні сағат 9.00-ден 09.45-ге дейін мектеп ауласында «Сыңғырла, күміс қоңырау» атты дәстүрлі салтанатты жиыны өткізілді. Жиынның құрметті қонақтары аудандық «Іле таңы» газетінің директоры Айдарбекова Роза Маратқызы , Жетіген ауылдық әкімі аппаратының бас маманы Маратұлы Темірлан және мектептің ардагер ұстаздары Ниязалиева Роза және Көкеев Мұқашбек аға болды. Алғашқы қоңыраудың сценарийі мекеме басшысымен бекітіліп, екі тілде жүргізілді. Жүргізушілер Қазақ тілі пәні мұғалімі А.Аргимбаева мен орыс тілі пәні мұғалімі П.И.Тохтиева болды.
Білім күніне арналған сабақтар «Мен - өз Отанымның патриотымын» атты тақырыпта өткізілді. Барлық сыныптарда «Болашаққа бастар жол» , «Взгляд в будущее» тақырыбында бейнероликтер көрсетілді.